Ang Dakilang Boarder

                Bakit kaya  Dakilang Boarder ang naisip kong unang  i-post? Malamang siguro marami na akong pinag daanan sa buhay na ito. Noong First Year College na ako, nakakapanibago , Grabe di ko alam kung paano ako makakapag –adjust at kung paano ako mag uumpisa. Di kasi katulad doon sa bahay namin na kahit nakaupo ka lng ay maayos ang room, katatapos palang ang kainan  May Dessert na sa harapan mo sa madaling salita batogan pero hindi naman masyado kasi tumutulong naman ako sa pagtitinda sa aming bayan somewhere here in Pangasinan.  Sa bago kong room, ay bedspacing may kasama ako sa kwartong iyon . Nababahala ako noong mga araw na iyon, Hindi ko alam kung mapapagkatiwalaan tong kasama ko. Kaya Naisip kong bigyan siya ng tatlong pagsubok, Habang  wala siya  nagkalat ako ng pera(20.00 Php lang pero!) sa  sahig bago ako umalis. Kapag biglang nawala ang perang iyon at nakita kong nandun siya That person cannot be trusted para saakin.  Sa unang pagsubok pumasa naman siya. Ngayon sa Pagkain naman  ok lang naman siya kasi nag shi-share naman  ng pagkain.  At ang panghuli ay sa kalinisan ng kwarto. Maayos siya  kaya medyo ok na saakin tong taong ito sabi ko sa isipan ko. Kung Minsan napapasabay ako sa pagbabasa niya ng kaniyang reviewer para sa kanilang Bar Exam. Nang Matapos na ang kanilang Bar Exam Tuwang – tuwa ako, kasi solo ko na yong  isang room.  Ayos kasi yung napili kong boarding house katabi lang ng school namin. Yung campus naming is building na katabi lang ng aking  boardinghouse. Meron na rin kainan pag gutom ka pero mas gusto ko pa rin mag tipid  kasi masyadong mahal saakin ang 50 pesos(Ulam at kanin) medyo may katakawan rin kasi ako kaya pumupunta  pa ako sa mas mura pero malayo, nilalakad ko pa bago ako makakain. Meron rin yung time na pamasahe ko nalang ang natitira sa wallet ko  tapos hilong hilo pa ako ay di na ako kumakain. Tatatawagan ako  ng mga classmate ko na kumain pero wala akong pera kaya nag – sinungaling nalang ako na busog na ako kumain na ako kanina. Ayaw ko rin naman mangutang dun sa kainan dahil nakakahiya.  May nakaaway narin ako dito sa syodad ng Dagupan . Habang natutulog kasi ako, sa katabi naming building  may mga taong nag- iingay tawa sila ng tawa maingay di ka makatulog. Nang di ko na nakayanan  sinigawan ko na sila “Mga shomai mag – pakatulog naman kayo, inom kayo ng inom di na kayo naawa sa mga magulang ninyo” ayon tumigil sila. Pagsapit ng alas tres ng umaga may nag aaway away na sa gate ng aming boarding house nagising ako lumabas ako inawat ko sila and then isang tomboy ang nadatnan ko minumura niya yung kapitbahay namin  ”tama na  ” sabi ko pero  nag simula naman siyang mag mura sa harapan ko habang umaakyat kami, meron pang tumalon na parang palaka sa harapan ko at hinamon ako ng suntukan wala akong nagawa, wala akong laban tatlo sila mag isa ko lang . kaya umatras nalang ako para matapos na . Kinaumagahan  inireport ko nalang sa aming landlord ang nangyari, Ayon napatalsik sila sa boarding House. Isa pa, di lang pala ako ang nagreklamo sa kanila, halos lahat kaming mga kasama nila sa loob ng boarding house at mga kapit bahay ay suportado naman saakin, kaya masaya.

                Mahirap man ang Maging Boarder, Sulit parin dahil Dakila Ang isang maging Boarder. May masama, masayang kasama at kung ano- ano pa Marami ka rin makakabunggo at makikita na pag uugali ng mga nakakasalamuha mo. Paalala lang Wag ninyo silang uutangan sapagkat marami silang pangangailangan , Mas mabuti  pang pautangan ninyo nalang sila Kung kinakailangan. Kung Minsan Homesick, Kung minsan Depressed. Kahit kung minsan  naiinis sila saakin ok lang sapagkat parte ng buhay ang kainisan ka pero meron rin mga taong gusto kang kasama. Basta Sa pagkain kung may Maggi Savor(Liquid Seasoning) at Mang tomas ihalo sa kanin busog ka na . Kaya bago matapos ang madrama at medyo OA na kwento ko ay gutom na ako.